Drekinn frá OZ

Körfubolti

2012-01-27T09:41:00.001Z

Mikil körfuboltatörn búin að vera í gangi. Ég er búinn að fara í körfubolta á hverjum degi í 4 daga í röð :-) Vel gert hjá gamla manninum :-) Ég er nokkuð spenntur fyrir helginni. Held að það verði mikið fjör og mikið gaman um helgina og óska öllum góðrar helgar :-)

Góður leikur í gær

2012-01-26T14:45:00.001Z

Ég fór með félögum mínum til Hellu í gær. Við unnum þar lið Heklu. Staðan var jöfn í hálfleik en í þriðja leikhluta rúlluðum við yfir þá og mig minnir að sá leikhluti hafi farið 28-6 fyrir okkur. Við unnum svo með tæplega 30 stiga mun. Allir lögðu sitt að mörkum og ég gat ekki séð neinn yfirburðamann hjá okkur sem landaði sigrinum en er alveg mjög sáttur með minn leik og félaga minna í liðinu. Ferðin heim var spennandi en það var búið að spá vitlausu veðri en við sluppum heim áður en það brast á. Hellisheiði var svo lokað í nótt og var enn lokuð í morgun. Það er alveg magnað því það voru 5-6 stór snjóruðningstæki að störfum þegar við fórum og höfðu þau rutt alveg gríðarlega vel. Það hlýtur að hafa skafið yfir veginn á miklum hraða í nótt til að vegurinn hafi náð að lokast :-)

Leti fyrir æfingu

2012-01-25T10:17:00.003Z

Ég fór á æfingu í gær og það var ágætt. Vel tekið á því og sæmilega mikið rifist. En toppurinn var leti eins félaga míns :-) Þegar við komum nokkrir út úr íþróttahúsinu, hreinir og fínir eftir sturtuna þá kallar hann í okkur og segist vera fastur. Hann hafði tekið upp á því að keyra inn gangstíg og leggja í skafli og sparaði sér 100 metra labb fyrir 2 tíma æfingu :-) Það tók hálftíma að losa hann og maður var orðinn vel sveittur aftur eftir þau átökin. En það er búið að vera stuð þennan veturinn að losa bíla ég er búinn að missa töluna á þeim bílum sem ég hef hjálpað til við að losa á þessum vetri. Spennandi verður að sjá hversu lengi þessi snjór endist.

Æfing í gær

2012-01-24T09:10:00.001Z

Ég fór á æfingu í gær og hef sjaldan verið jafnslappur. Ég ætla að skrifa þetta á að ég borðaði mig svooooo pakksaddann rétt fyrir æfingu að það lá við að ég ældi í upphafi æfingar :-) En svo skánaði þetta.Svo vaknaði ég í nótt klukkan eitt við það að rólurnar úti voru að slást til og vera með læti. Ég rauk út og batt þær fastar en þegar ég var kominn í bólið aftur heyrði ég aftur í þeim. Ég leit út og önnur hafði losnað :-( Ég var ekki að nenna aftur út þannig að ég tók sénsinn. Í morgun var hún ekki brotin og enginn nágranni búinn að lykla bílinn minn ;-)

Epískt partý

2012-01-23T09:29:00.000Z

Djöfulsins snilld var þessi helgi. Við hjónin héldum smá teiti á laugardaginn og þar mættu menn með gítara og hljómborð og spiluðu og sungu. Hressleikinn var álíka mikill og slappleikinn daginn eftir ;-) En ég reyndar var nokkuð hress daginn eftir en frétti af nokkrum sem voru duglegir við að skila aftur upp því sem þeir drukku eftir að þeir fór frá mér ;-) nefni engin nöfn múhahaha.Ég fór svo til m&p í gær með börnin og horfði á handboltaleikinn. Bara ágætt chill.

Góð æfing í gær

2012-01-20T13:27:00.000Z

Ég fór á æfingu í gær og segi bara sem betur fer. Ég var dauðþreyttur eftir æfinguna enda mikil keyrsla og mikið hlaupið á æfingunni sem kom sér vel í morgun. Í morgun fékk ég mér morgunmat, svo fór ég með strákinn í leikskólann og þar var bóndadagskaffi fyrir pabbana og svo fór ég í vinnuna og þar var morgunmatur í boði kvensanna sem vinna hérna. Ég er að springa svo eftir hádegismatinn. Megasáttur ;-)Góða helgi krúttin mín!

Góð skita

2012-01-19T09:32:00.000Z

Ég horfði á handboltaleikinn í gær. Svo þegar Ísland var 4 mörkum undir þá fannst mér ég vera búinn að horfa nógu mikið á skitu að ég ákvað sjálfur að skella mér á postulínið. Eftir dágóða stund ákvað ég að tékka á stöðunni og þá var hún orðin 1 marki Íslandi í hag. Ég er því að spá í að færa sjónvarpið inn á klósett fyrir næsta leik og vera þar bara....eða opna ísskápinn reglulega yfir næsta leik því ég gerði það líka....eða kannski var það bland af þessu tvennu sem kom Íslandi í gang....tek enga sénsa geri þetta allt næst....En aaaaalla vega þá kíkti Atli í heimsókn í gær og við æfðum okkur aðeins á gítar saman. Það er gott að æfa sig saman því þá nær maður að koma aftur inn í lagið ef maður ruglast aðeins :-) Stundum er maður með góða acoustic útgáfu af lagi og getur spilað með því. En ég þarf greinilega að æfa mig meira ;-) en þetta mjakast.

Enn um æfingar

2012-01-18T09:20:00.001Z

Ég fór á æfingu í gær og prófaði að sleppa hlífunum sem ég er búinn að vera með. Það gekk bara mjög vel og hefur bati minn á mínum meiðslum verið vonum framar. Ég fann reyndar til í lærinu undir lokið en það eru ekki meiðslin sem ég hef glímt við undanfarin ár. Er alveg hrikalega sáttur við foamrúlluna mína og nýju innleggin ;-)Svo kíkti ég aðeins með börnin mín þar sem Laugarnesvegur 51 stóð. Var að tékka hvort botnplatan á húsinu væri enn til staðar eða einhver ummerki um það. Það er allt horfið og ekki að sjá að þarna hafi staðið hús. Mér finnst það sorglegt :-( En það var gaman að sjá garðinn aftur og minningarnar helltust yfir mig :-) Ég sagði svo börnunum frá langöfum þeirra og langömmum á leiðinni heim.

Æfing og pabbastúss

2012-01-17T14:08:00.001Z

Signý var að vinna frameftir í gær og ég var því með börnin. Tók ofurpabbann á þetta og sá um kvöldmatinn og að leika við skæruliðann. Hann var extra kátur í gær og við áttum góða stund saman. Sólný Inga var eitthvað veik með hausverk en jafnaði sig fljótt eftir að fá verkjalyf og leggja sig svolítið. Salný Kaja fékk að fara til vinkonu sinnar en kom svo um 7 leytið heim. Þannig að þetta var bara kósý hjá okkur. Svo þegar Signý kom heim skellti ég mér á æfingu sem var mjög fínt og ég sleppti því að horfa á vonbrigðin í handboltanum. Svo var bara rólegt vídeókvöld hjá okkur.

Fínasta helgi

2012-01-16T10:14:00.000Z

Ég fór í barnaafmæli á laugardaginn sem var bara ágætt. Fínar veitingar og fínn félagsskapur. Svo í gær fór ég með börnin í Ævintýragarðinn í Skútuvogi. Það er bara snilld. Strákurinn rauk af stað þegar við vorum rétt komin inn í salinn og stoppaði ekki nema til að þamba vatn hjá mér og hljóp svo af stað aftur. Börnin voru kófsveitt eftir c.a. tvo tíma þarna :-) Strákurinn sofnaði svo snemma um kvöldið ;-) Signý tók svakalega syrpu á meðan í tiltekt og er heimilið glæsilegt á eftir og ég fór með marga kassa af barnafötum til Valda og Irene til að fara í gegnum. Gott að losna við þessa kassa ;-) Já og svo fann ég eina hillu sem við tókum niður um daginn og skellti henni upp í bílskúrnum og gekk frá dóti sem hafði verið í óreiðu þar upp á þessa hillu þannig að það svæði er allt miklu snyrtilegra. Þá endurvaknaði draumur minn um að innrétta bílskúrinn upp á nýtt þ.e.a.s. losa mig við hillur sem eru að hrynja fyrir skápa sem eru mun snyrtilegri og nýtast mun betur.

Lurkum laminn

2012-01-13T09:16:00.000Z

Ég fór á æfingu í gær og loksins var góð mæting. Ég var samt ekki alveg sáttur við hörkuna sem var á æfingunni. Það er gott að vera fastur fyrir en mér fannst einhver pirringur í mönnum þannig að næsti maður fékk að kenna á því hvort sem pirringurinn beindist gegn honum eða ekki. Ég er alveg lurkum laminn í dag. Er að drepast í vinstri handleggnum, hægri öxlunni og stirður í hálsinum. Jebb hljóma bara eins og gamall maður ;-) sem er náttúrulega algjör vitleysa. En mjög sáttur við mætinguna þannig vonandi förum við að rífa okkur upp úr lægðinni sem við höfum verið í.

Það þarf lítið til að gleðja foreldra

2012-01-12T09:28:00.001Z

Sólný Inga missti tvær tennur á tveimur dögum nýverið og það var mikil gleði í kringum það. Henni finnst hún miklu stærri fyrir vikið og er á góðri leið með að borga Icesave úr sjóðum Tannálfsins. Sigurpáll Valmar er að hætta með bleiu og það hefur gengið illa. Hann heldur bara í sér þar til hann fær bleiu fyrir svefninn eða fegurðarblundinn. En í gær sagði hann skyndilega "ég pissa" og það er fyndið að hugsa hvað sama setning getur valdið skelfingu eða gleði eftir hvað er meint með henni. Ég hélt að hann væri búinn að pissa liggjandi hjá mér í sófanum. Ég reyndar mundi svo strax að ég hafði sett bleiu á hann fyrir nóttina þannig að ég róaðist snöggt og spurði hvort hann væri búinn að pissa og hann neitaði því. Ég spurði hvort hann vildi fara á klósettið en hann neitaði því og svo spurði ég hvort hann vildi fara á koppinn og hann sagði "já" við því :-) Það hefur verið oft á tíðum erfitt að fá hann til að setjast á koppinn hvað þá pissa. En nú settist hann á koppinn og fyrst var eins og ekkert myndi koma eins og svo oft áður en skyndilega kom svaka buna og hann pissaði svona rosalega vel. Svo fékk hann að hella pissinu í klósettið og við skoluðum koppinn og gengum frá honum á sinn stað og hann fékk límiða að launum. Svo tók ég hann í fangið og hoppaði með hann og söng "Sigurpáll, Sigurpáll" aftur og aftur eins og versta gelgja :-) Hann hló mikið og var mjög ánægður með sig. Svo sofnaði hann fljótt eftir þetta. Í morgun pissaði hann aftur í koppinn :-) þannig að nú erum við loks að sjá fyrir endann á þessu erfiða tímabili og gleðin er mikil sem fyrr segir ;-)

Góð æfing í gær

2012-01-11T09:24:00.000Z

Ég fór á æfingu í gær og það stefndi í slæma mætingu. Svo komu nokkrir alltof seint og það varð allt í einu nóg af mönnum þannig að við gátum tekið hressilega á því og það var bara stórskemmtilegt. Sannast enn og aftur hvað væntingastjórnun er mikilvæg ;-)

Pissulíus

2012-01-10T09:27:00.000Z

Við erum að gera aðra tilraun til að venja Sigurpál Valmar af bleiu. Það er svona að ganga ágætlega þannig séð. Hann heldur í sér og í morgun missti hann smá og náði að stoppa það af áður en allt varð rennblautt. En hann er ekki að fíla það að setjast á koppinn eða klósettið. Næsta skref er að vinna á því vandamáli en límmiðaplanið er að fara í gang. Láta hann fá límmiða fyrir hvert skipti sem hann sest á klósettið. Hann er hrifinn af límmiðum og svoleiðis þannig að þetta eru mútur ;-) en það er hvetjandi.

Mikið að gera um helgina

2012-01-09T09:32:00.000Z

Ég skellti mér til Víkur á laugardaginn og keppti þar í körfu með félögum mínum í HK. Það er skemmst frá því að segja að við keyrðum langt fyrir lítið. Töpuðum með einu stigi þar sem ég var hársbreidd frá því að verða hetja dagsins ;-) Ég skoraði 19 stig og þar af 9 síðustu stig liðs míns á kafla þar sem við vorum að brjóta á þeim og vonast til að þeir klikkuðu á vítum og taka svo skot eins fljótt og við gátum og reyna að fá 3 stig. Það var að ganga upp ég skoraði 2 stiga körfu og fékk víti að auki og setti það niður. Þeir því miður voru að setja sín víti niður og svöruðu með 2 vítum. Við vorum frekar lengi að brjóta alltaf sem varð afdrifaríkt. Ég skoraði svo þrist strax í andlitið á þeim og við brutum aftur en því miður vorum við ekki að passa nógu vel að aðalskyttan þeirra fengi boltann en þeir komu boltanum alltaf á hann og hann setti sín víti niður. Svo í síðustu sókninni þá gekk boltinn of oft hjá okkur og þriggja stiga skotið okkar feilaði, ég náði frákastinu og fór upp í skotið, það var brotið á mér og það var dæmt og þá á tíminn að stoppa. Ég kláraði skotið, skoraði og náði að snúa mér við og öskra "jessss" en í því gellur klukkan. Þá var 2 stiga munur og ég átti eitt víti eftir. Dómararnir voru ekki sammála mér að það væri a.m.k. sekúnda eftir af leiknum fyrst ég náði að klára skotið og fagna áður en klukkan gall en þeir neituðu og sögðu að leikurinn væri búinn, ég fengi skotið samt. Ég setti það niður og við töpuðum með einu. Ef sekúnda væri eftir þá var möguleiki fyrir mig að klikka á vítinu og vona að ég eða samherji minn gæti tipplað boltanum oní og við fengið 2 stig og framlengingu. Þetta var því grautfúlt en við vorum allt of seinir í gang.Í gær var svo "jólaboð" hjá móðurættinni minni og þar var ansi fjölmennt. Sigurpáll Valmar lék sér eins og brjálæðingur við frændur sína og það var gaman að sjá það :-) Stelpurnar voru líka mjög kátar með frænkum sínum.Já þannig að þetta var bara ágætishelgi.

Vatnselgur

2012-01-06T09:24:00.000Z

Úff sá í morgun þegar ég var að fara út að ræsið þvottahúsmegin hafði stíflast aftur en ég bræddi það alveg fyrir nokkrum dögum og mokaði frá því. Það var því á góðri leið með að fara að leka inn í þvottahúsið. Ég reyndi að losa með alls kyns verkfærum en endaði á að setja garðslönguna á þetta með sjóðandi vatni sem losaði stífluna á mettíma sem betur fer annars hefði þetta verið að hella olíu á eldinn ;-) Svo er bara að bíða og sjá hvort þetta verði stíflað aftur þegar ég kem heim en það var svo sem ekki mikill snjór eftir. Vonum það besta.

Rútínan byrjuð

2012-01-05T09:32:00.000Z

Það var ofsalega kósý kvöld hjá mér í gær. Bara horft á teiknimyndir með börnunum og svo þeim komið í háttinn. Skólinn loksins byrjaður og smá spenna í gangi fyrir hann. Kom mér nokkuð á óvart hvað þetta gekk vel í morgun því stelpurnar voru gersamlega búnar að snúa sólarhringnum við. Svo fór ég með Previuna á verkstæði til að láta skipta um hurðarhún á rennihurðinni. Jebb í fyrradag var ég of sterkur og kippti honum nánast af. Toyota reddaði mér strax varahlut og bíllinn er kominn inn á verkstæðið hjá þeim. Ég er hrikalega hrifinn af þessu. Alltaf þegar eitthvað gerist með Audi-inn þá þarf ég að bíða í 3-5 vikur eftir að komast á verkstæði :-( Ég er farinn að skilja hvers vegna svo margir kaupa Toyota. Ekki að það séu endilega bestu bílarnir en þar er án efa besta þjónustan.

Jólagjöfin mín til Signýjar þetta sinnið :-)

2012-01-04T21:20:00.000Z

Nöfn barna okkar á vinstri hönd...

Læri læri tækifæri

2012-01-04T09:23:00.000Z

Jebb fór á æfingu í gær oooooog meiddi mig. Ný meiðsli hins vegar sem gefur mér von um að þetta verði ekki eitthvað sem tekur meira en nokkra daga. Tognaði eitthvað á aftanverðu hægra lærinu. Gat ennþá skokkað með en um leið og ég reyndi á mig þá fann ég til þannig að ég ákvað að hætta og láta þetta gróa.Spilakvöld var í gær hjá fjölskyldu tengdapabba. Það var alveg ágætt nema ég held að ég hafi aldrei verið jafnóheppinn í spilum á ævinni. Ég fékk eins slæm spil og hægt var í hverri einustu umferð. Meira að segja þegar spilað var nóló þá fékk ég ekkert nema mannspil og það held ég hafi verið fleiri mannspil en ég fékk samtals allt kvöldið.C'est la vie :-)

Ég er of sterkur

2012-01-03T09:36:00.001Z

Frábær morgun. Ég ætlaði að opna dyrnar aftur í fyrir börnin í morgun og klæng handfangið brotnaði. Hurðin var frosin föst og ég svona helmassaður braut handfangið. Var ekki einu sinni að reyna á mig en ég er bara þetta sterkur. Frábært....

Áramótin snilld

2012-01-02T11:31:00.001Z

Við skemmtum okkur vel um áramótin. Fórum til tengdó og borðuðum þar og skutum smá upp. Svo fórum við bara heim að lúlla :-) Mjög einfalt og gott. Daginn eftir var bara allt voðalega rólegt og chillað ;-) Svo í gær fór ég með Salnýju Kaju og Sigurpál Valmar til gamla settsins og þar var smá skotið upp og bara haft það kósý.Nú er ég bara í fríi þar sem það er starfsdagur í leikskólanum. Ég er með öll börnin og það er mikið stuð í litla skæruliðanum ;-)

Nýtt ár alveg að bresta á

2011-12-30T10:52:00.000Z

Síðasta bloggið mitt á þessu ári. Þetta er búið að vera hið fínasta ár. Er hrikalega spenntur fyrir næsta ári enda margt sem lífir hefur upp á að bjóða. Ég þakka öllum vinum, kunningjum, fjölskyldumeðlimum og bara öllum sem ég þekki og þekkja mig kærlega fyrir allt liðið og óska þeim sömu farsældar á komandi ári.Gleðileg jól öll líka ;-)Skemmtið ykkur svo vel annað kvöld ;-)

Þetta póst er til að prófa að deila á google+

2011-12-29T09:31:00.001Z

Hello world :-)

Körfubolti og snjóóóóór!

2011-12-29T09:27:00.000Z

Fór beint eftir vinnu í gær í Valsmótið. Spiluðum körfu í um það bil 5 klst með litlum hléum. Ég er nett ónýtur í fótunum en ekki í kálfunum eins og í allan vetur. Þetta var drullugaman og við enduðum í 3.-4. sæti. Við töpuðum í undanúrslitum fyrir liðinu sem vann mótið. Við vorum bara með 2 varamenn sem er ekki nóg í svona mót og bensínið var bara búið. En liðið sem vann var besta liðið í mótinu að mínu mati. Þeir áttu þetta fyllilega skilið.Svo í morgun hélt púlið áfram. Ég ýtti nágrannastelpunni lausa úr snjó en hún er á Yaris eða einhverju álíka litlu. En hún var fyrir mér svo ég kæmist úr götunni :-) Á meðan horfði annar nágranni minn á úr hlýja jeppanum sínum mjög þolinmóður og ekkert að hafa fyrir því að hjálpa. En þetta tókst hjá okkur og hún komst í stæði með bílinn sinn. En þá sat ég fastur ;-) hún bauðst til að ýta....ég var ekki alveg að sjá fyrir mér að hún gæti ýtt Previunni þannig að ég bað hana um að setjast undir stýri og eftir smá mok og ýt þá losnaði bíllinn. Þannig að ég er búinn með ræktina í dag ;-) Þetta hefði hugsanlega gengið betur ef ég væri ekki með svona mikla strengi í fótunum ;-)En svona fútt er bara gaman og ég er alveg að fíla þennan snjó :-)

Barnaspítali Hringsins

2011-12-28T11:13:00.001Z

Dagurinn var langur hjá mér í gær. Ég byrjaði á að fara með börnin til tengdó en strákurinn hefði átt að fara í leikskólann en virkaði veikur og við tókum ekki sénsa með hann. Nú eftir fullan vinnudag þá ætlaði ég að sækja börnin en þá segja tengdó mér að strákurinn hafi ekki verið eins og hann á ad sér að vera. Við ræðum þetta og ákveðum eftir að fylgjast aðeins með honum að láta athuga hann á læknavaktinni. Þegar þangað er komið er tonn af fólki. En þar er búið að innrétta flott leikherbergi þannig að biðin var miklu auðveldari en oft áður. En hún var samt löng. Loksins þegar við komumst að hjá lækni þá sá hann ekki neina hálsbólgu en ég bað um að athuga það og var ekki viss um fótinn á honum en hann haltraði greinilega. Hann vildi ekki taka sénsa og sendi mig á Barnaspítala Hringsins. Það var biðin styttri en samt þónokkur, sérstaklega eftir blóðprufunni en starfsfólkið er æðislegt þarna og lætur börnunum alltaf líða svo vel. Það kom í ljós að líklega er vökvi í liðamótunum á vinstri lærlegg við mjöðm og það sé óþægilegt fyrir hann. Hann er því á íbúfen næstu daga og á að fara aftur í skoðun á föstudaginn. Vonandi verður hann orðinn góður þá. Signý hitti okkur niðri á Barnaspítala og þegar við vorum búin þar ákváðum við að kaupa bara pizzu í kvöldmat því klukkan var orðin margt og litli kúturinn heimtaði pizzu ;-) Ég fór því og sótti hana og Signý fór með kútinn heim. Svo þegar ég kom heim þá borðaði ég í hvelli og fór svo með náttföt og tannbursta ofl. til tengdó en stelpurnar voru þar og fengu að gista. Þegar ég kom svo loks heim aftur þá var ég bara búinn á því. Gott chill í sófanum var það sem ég þurfti og svo smá lesa bók og lúlla sér ;-)

Jólin

2011-12-27T10:04:00.002Z

Þetta eru búin að vera aldeilis fín jól :-)Ég fékk mjög góðar gjafir frá öllum. Tengdaforeldrar mínir fóru alveg fram úr sér í gjafmildi að venju. Ég fékk nokkrar bækur, veiðidót, DVD, Sushigerðardót og margt fleira. Fékk líka góðar afmælisgjafir af svipuðum toga.Maturinn var að venju ótrúlega góður. Ég át hreinlega á mig gat og hefði ekki með góðu getað borðað meira. Í raun móðgaði ég fátæka trésmiðinn frá Nasaret hræðilega þessi jól með þessum vellystingum. Ég get ekki annað en verið þakklátur fyrir það sem við fjölskyldan fengum þessi jólin. Gleðileg jól öll og farsælt komandi ár.

Gleðileg jól

2011-12-24T12:36:00.001Z

Og til hamingju með afmælið mitt :-)Súkkulaði dagsins er jólatré mmmm gott

2011-12-23T09:26:00.002Z

Ætla að bæta við bloggið tvennu...annars vegar að stríða foreldrum mínum smá og hins vegar tilkynna frestun á frægð minni. Byrjum á því síðara. Ég ætlaði að gera myndband til að stríða Norðmönnum þar sem ég baka Lyssekatter sem þeir geta ekki verið án á jólunum. Nema ég ætlaði að fara fáránlega ósparlega með smjörið og jafnvel henda risastóru stykki af smjöri í ruslið. Gera svo stólpagrín af ástandinu hjá þeim og þegar Lyssekatter-nir eru tilbúnir, smakka þá og hrækja þeim í ruslið með algjörri vanþóknun og henda öllum bakstrinum. Það hefði verið epískt viral myndband ;-) En ég nenni ekki að gera það.Nú svo ætla ég að stríða mömmu og pabba aðeins :-) um daginn þá var ég að vaska upp og Sigurpáll Valmar heimtaði að horfa á einhverja teiknimynd og ég bað Salnýju Kaju að setja hana á. Hún var ekki viss hvernig hún átti að gera það því ég bað hana um að spila teiknimyndina í fartölvunni og af flakkaranum sem er nettengdur. Hún spurði hvernig hún ætti að gera það og ég sagði: "Loggaðu þig bara inn, á desktoppnum er mappa sem heitir 'Barnamyndir', tvísmelltu á hana og veldu einhverja mynd sem hann langar að sjá" og viti menn það þurfti ekki að segja meira hún gerði þetta bara og Sigurpáll Valmar sat sáttur að horfa á teiknimynd stuttu seinna. Þá varð mér hugsað til þess hvað þetta ferli hefði tekið langan tíma ef mamma eða pabbi hefðu verið að hjálpa tíhíhíhíhí jebb ég er hrekkjusvín ;-)

Súkkulaði dagsins

2011-12-23T09:16:00.001Z

Súkkulaði dagsins er bambi...hreindýr skil ég en kollóttur bambi er ekki jólalegur. En súkkulaðið er gott.Ég fór á æfingu í gær og það var stuð. Dæmigert rugl fyrst því húsið sem er auglýst opið í öllum gluggum og búið að ræða við 2 húsverði um að við myndum mæta. Alveg ótrúlegt hvað ég hef lent oft í þessu. Svo var hörkuhreingerning í gær og allt bara að verða klárt fyrir jólin :-)Samkvæmt Google er stysti dagur ársins í dag og á morgun á afmæli mínu fer daginn að lengja aftur :-)

Súkkulaði dagsins

2011-12-22T09:21:00.001Z

Súkkulaði dagsins er tromma eða trumba ;-) Væri ekkert sérstaklega jólalegt í mínum huga ef ég hefði ekki heyrt Little drummer boy með Boney M svona 7000 sinnum í gegnum árin. En súkkulaðið er gott :-)Salný Kaja söng á tónleikum Regínu Óskar í gær og fór í afmælispartý til Regínu eftir tónleikana. Svaka partýstand á henni og kom hún ekki heim fyrr en mjööööög seint. En þetta var sérstakt tilefni :-) Signý og Sólný Inga fóru að sjá hana syngja en ég fórnaði mér og eyddi kvöldinu með Sigurpáli Valmari. Við erum svo góðir vinir að það var bara lítið mál. Lékum okkur smá og svo horfðum við á teiknimynd saman. En hann sofnaði samt ekki fyrr en mamma hans kom. Hann verður bara að fá að fikta í brjóstunum á mömmu sinni til að sofna ;-)

2011-12-21T09:23:00.002Z

Súkkulaði dagsins er jólakrans. Mjög jólalegt og súkkulaðið mjög gott.

Augu heimsins eru á Norður Kóreu eftir fráfall Kim Jong Il.....ég er er spenntur að sjá hvað drengur á þrítugsaldri gerir með kjarnorkuvopnabúr og fjórða stærsta her heims. Hættulegir tímar sem við lifum á en gott að Bandamenn mátu Írak og Afganistan sem mestu hættu heimsins við frið.

Annars fór ég á æfingu í gær og það var mjööööög hressandi. Það er svo mikil snilld að vera komin tja segi ekki á fullt en á gott skrið aftur. Verð vonandi kominn á fullt í fyrsta leik eftir áramót :-)

2011-12-20T09:23:00.002Z

Súkkulaði dagsins er fjallakofi eða piparkökuhús. Mér finnst það mjög jólalegt ;-) og já veit að þetta er þreytandi en engin breyting hefur orðið á súkkulaðinu...það er ennþá mjög gott ;-)

Ég fann snilldarforrit í gær. Það getur klippt .mov fæla niður og editerað þá og vistað sem .avi ef maður vill. Ákkúrat það sem ég hef verið að leita að. Ekki nóg með að vera ókeypis heldur er það lítið, nett og hraðvirkt og bara svínvirkar. Mjög sáttur við það. Svo kom ný útgáfa af Picasa nýverið og þar er búið að laga nokkra bögga en það eru stór atriði sem ég hreinlega skil ekki af hverju þeir laga ekki t.d. að geta filterað myndir sem ekki hefur tekist að synca við netið...það er hægt að gera öfugt en ég hef ekkert við það að gera...bara eitt Not eða != fyrir framan c'mon!!!

Engin æfing var í gær :-( en það verður æfing í kvöld þannig að ég næ að hreyfa mig eitthvað fyrir jól ;-)

2011-12-19T10:13:00.002Z

Súkkulaði dagsins eru öndvegissúlur Ingólfs Arnarsonar. Eða keilur og keilukúla....veit ekki hvað þetta er. Hef aldrei vitað það og finnst þetta ekkert jólalegt frekar en sveppurinn í gær. En spái ekki í það því súkkulaðið er svooooo gott :-)

Helgin var ágæt. Barnaafmæli, jólaball, jólaglögg og ég veit ekki hvað. Allt gekk bara vel og Jólaspenningur kominn á fullt. Ein jólaserían brann yfir en asahlákan sem gekk yfir í gær náði að komast í straumbreytinn á einni seríunni en sá straumbreytir er inni í skúr úti í garði og átti ég ekki von á að þetta myndi gerast. Breytti um taktík þar, ætla að sjá hvort straumbreytirinn verði í lagi þegar hann þornar annars kaupa nýjann.

2011-12-18T14:27:00.001Z

Súkkulaði dagsins er sveppur...jebb búinn að bíða eftir að hann komi....það fyrirbæri sem ég skil ekki hvers vegna einhver þjóð telur vera jólalega. En súkkulaðið er gott :-)

Súkkulaði dagsins

2011-12-17T13:40:00.001Z

Súkkulaði dagsins er engill.

2011-12-16T09:26:00.002Z

Súkkulaði dagsins er hálfmáni. Hann er reyndar með jólahúfu en ég næ því ekki hvað er jólalegt við hálfmána. Súkkulaðið er svoooo gott ætla aldrei að hætta að fá mér súkkulaðidagatal.

Ég fór með börnin í mat til Söru og Atla í gær. Brjálað stuð þar. Signý fór að versla með Söru og græja allar afmælis- og jólagjafirnar. Ég fór heim með börnin og það voru þvílík læti. Ég byrjaði á því að skella bílhurðinni á einhvern fáránlegan máta í hausinn á Sólnýju Ingu. Henni brá fyrst og svo fór hún að gráta eftir smá tíma. Var smá tíma að fatta hvað þetta var vont. Svo þegar ég var varla búinn að hugga hana þá sparkaði Sigurpáll Valmar í Salnýju Kaju þannig að hún fór að gráta og þá skammaði ég Sigurpál Valmar og hann fór að gráta. Gjörsamlega allt í pati. En svo loks tókst mér að hugga allt liðið og gat þá klárað að afferma bílinn en hann var fullur af skólatöskum, snjóbuxum og drasli.

Svo var að svæfa strákinn.....jebb það tókst ekki. Hálf ellefu kemur Signý heim og hann er ennþá vakandi. Hálftíma seinna sofnaði hann. Og mætti með refsinguna yfir okkur í morgun. Hann var ekki búinn að fá nægan svefn og skapið eftir því. Ekkert fór vel í hann og þegar ég loksins komst í vinnuna var ég eiginlega búinn á því. En hann var aðeins að róast þegar ég skildi við hann á leikskólanum. Ég geri ráð fyrir að hann muni njóta þess að leggja sig í dag ;-)

2011-12-15T11:16:00.002Z

Súkkulaði dagsins er jólasveinastígvél. Súkkulaðið var mjög gott :-)

Ég datt í það að horfa á nokkra þætti af Frozen planet í gær. Djöfull getur maður sokkið inn í svona þætti þegar þeir eru vel gerðir.

Annars var bara rólegt gærkvöldið og allt gott að frétta :-D

2011-12-14T09:49:00.003Z

Súkkulaði dagsins er kirkjuklukka eða jólabjalla eða eitthvað slíkt. Voðalega jólalegt finnst mér. Súkkulaðið var mjög gott mmmm fæ vatn í munninn.

Ég fór að keppa í gær og var ekkert voðalega ánægður. Fékk lítið að spila, fannst metnaðurinn hjá mínum mönnum meira ganga út á að fá sem mest að spila sem mest frekar en að keyra sig út og skipta til að hvíla sig. Ekki mikil barátta og við töpuðum :-(

Sigurpáll Valmar er búinn að mastera eitt orð sem gjörsamlega bræðir mann :-) Hann biður um eitthvað og kann varla að segja það t.d. "má é fá keðs" og svo kemur töfraorðið með ótrúlega blíðum tón úr litlum strák "plííííííís" :-) veit ekki hvar hann lærði þessa slettu en hún svínvirkar hjá honum og ef ekki þá klárar hann dæmið með ofsalega sætu "plís plís plís plííííís". Hvernig er hægt að standast svona?

Svo í morgun taldi hann upp á sex :-) sem mér fannst mjög flott hjá honum. Hann var að telja einhverja hluti en þegar ég bætti við hlutum til að athuga hvort hann kynni að telja hærra þá neitaði hann að telja þannig að ég veit ekki hvað hann getur talið hátt en þetta fannst mér bara flott hjá honum.

Að lokum var reynt að slasa okkur Sigurpál í umferðinni í morgun. Ég var að keyra niður brekkuna rétthjá heimili okkar og hafði sæmilegt bil milli mín og næsta bíls svo ég gæti auðveldlega stoppað ef sá bíll nauðhemlaði. Þetta gat fannst einum snillingnum í hliðargötu vera alveg nóg fyrir sig en þess ber að gera að ég hefði ekki reynt við það að sumri til hvað þá við þessar aðstæður. Það endaði með því að ég þurfti að nauðhemla til að dúndra ekki á afturhluta bílsins. ABS-ið hrökk í gang og ég þurfti að beygja frá og nánast upp á kant til að forða árekstri og hamraði á flautuna og lét hann heyra það en hann bara keyrði í burtu eins og ekkert hefði skeð. Ég tók af stað aftur og keyrði guttann í leikskólann og hugsaði þessum bílstjóra þegandi þörfina grrrrrr....

2011-12-13T09:39:00.002Z

Súkkulaði dagsins er kerti á jólaskreytingu eða jólagrein. Mjög jólalegt ;-) Súkkulaðið snilld.

Fór á æfingu í gær og það var fín hreyfing. Finn eiginlega ekkert til í fótunum núna og ekki nema rúm vika síðan ég fékk rúlluna og ennþá styttra síðan ég fékk innleggin. Leikur í kvöld...aldrei að vita nema ég geti spilað af fullum krafti í kvöld ;-)

2011-12-12T09:36:00.002Z

Súkkulaði dagsins er jólakúla. Mér finnst jólakúlur jólalegar en fór allt í einu að spá hvernig það dæmi byrjaði? Hvers vegna eru jólakúlur jólalegar og hvers vegna eru þær t.d. settar á jólatré?

Súkkulaðið var mjög gott :-)

Helgin var góð. Ég eyddi gærdeginum að mestu í þynnku en fór svo í mat til tengdó en það var afmæli tengdapabba. Ágætur endir á þynnkudegi ;-) Á laugardaginn fór ég á jólahlaðborð Betware. Við stoppuðum á leiðinni hjá Söru og Atla svo að Signý gæti látið Söru farða sig. Atli notaði tækifærið og dældi í mig áfengi ;-)

Ég var því hress þegar við komum á jólahlaðborðið og skemmti mér ágætlega. Maturinn var fínn og Mario á mínu borði hélt okkur upplýstum um stöðuna í El Classico. Signý vann kampavínsflösku í happdrættinu sem er tilbreyting þar sem við vinnum aldrei neitt í svona ;-) Eftir hlaðborðið sóttum við Atla og Signý skutlaði okkur á Sálarball. Þar var hörkustuð og við skemmtum okkur mjög vel. Fengum okkur svo eina pulsu eftir ballið og tókum leigara heim svona undir morgun ;-)

Súkkulaði dagsins

2011-12-11T19:14:00.001Z

Súkkulaði dagsins er bangsi. Sennilega algeng jólagjöf á sínum tíma. Súkkulaðið gott að venju.

Súkkulaði

2011-12-10T17:45:00.001Z

Súkkulaði dagsins er sleði með pökkum á. Mjög jólalegt og súkkulaðið gott að venju.

2011-12-09T09:02:00.000Z

Súkkulaði dagsins er ljósker. Ég hef ekki upplifað ljósker þannig séð nema gömlu olíulampana í sumarbústað Rósu frænku í gamla daga. En get alveg gúdderað að þau séu jólaleg. Súkkulaðið var að venju gott mmmmm

Svo fór ég á æfingu í gær og er bara mjög sáttur við batann hjá mér. Prófaði nýju innleggin í fyrsta skipti og mér finnst þau alveg ágæt. Mestan mun finn ég samt á því að rúlla mig fyrir æfingar. Er að spá í að rúlla mig eftir æfingar líka því ég varð aðeins stirður í gær þegar ég var að fara að sofa.

Já svo skítamixaði ég tengingu á uppþvottavélinni í gær. Hún heldur en ætla að græja frambúðarlausn í dag.

2011-12-08T09:37:00.002Z

Súkkulaði dagsins er piparkaka. Eða mér sýnist þetta vera piparkaka af því að mér finnst þær vera jólakökur. Þetta gæti verið hvaða smákaka sem er svo sem. En súkkulaðið er dásamlegt ;-)

Sigurpáll Valmar er undanfarna daga búinn að taka smá snyrtivaraæði. Áður en brandararnir fara að flæða þá er hann ekki að versla þá, mála sig í framan eða neitt slíkt.

Um daginn komst hann í fulla "krukku" af naglalakki eeeeeeeldrauðu. Hann breiddi svo yfir sig teppi og sullaði öllu naglalakkinu á parketið og málaði með penslinum vel og vandlega svo það breiddist sem mest úr þessu. Salný Kaja fattaði þetta og byrjaði að stöðva hann en hann varðist með kjafti og klóm og náði að mála systur sína sæmilega áður en ég náði tökum á honum og hann kem slatta af naglalakki í teppið líka og á mig. Asintonlyktin var allsráðandi það kvöldið heima hjá okkur. En þetta virðist hafa reddast nema teppið er blettótt.

Svo í gær kom ég að honum öllum dökkbrúnum á höndunum að maka allar hendurnar út eins og hann væri að þvo sér með sápu. Mér sýndist þetta fyrst vera súkkulaði en svo þegar ég var að halda á honum inn á bað til að þvo honum fann ég að þetta var öðruvísi áferð en af súkkulaði og mikið glimmer í þessu. Jebb hann hafði fundið varalit og kramið hann allan og makað þykku lagi á báðar hendurnar. Það sem það er erfitt að þvo varalit af í svona magni. En það tókst að þvo hann, svo var að þvo mig og svo var að þvo vaskinn en á endanum var allt orðið fínt. Nú eru allar snyrtivörur í efstu hillu :-)

2011-12-07T17:46:00.002Z

Súkkulaði dagsins er .... spennannanndiiiiiiiiiiiiiiii .............það er snjókarl. Jebb mér finnst snjókarlar mjög jólalegir og þá sérstaklega þegar veðrið er eins og það er núna.

Súkkulaðið bragðaðist alveg hreint ljómandi vel.

2011-12-07T10:00:00.002Z

Ég gleymdi að opna súkkulaðidagatalið mitt í morgun. Kem með update síðdegis fyrir þá sem eru háðir þessum upplýsingum.

Annars er allt bara í góðum gír hjá mér. Fór á æfingu í gær og leið bara vel í fótunum. Plastrúllan alveg að gera sitt gagn.

2011-12-06T08:55:00.000Z

Súkkulaði dagsins er jólasveinn. Jebb fékk jólasvein úr súkkulaðidagatalinu mínu í dag. Sú var tíðin á síðustu öld að maður fékk annað hvort jólasvein eða jólatré á aðfangadag í dagatalinu og það var alltaf langstærst. Nú er þetta allt af sömu stærð og alltaf sömu myndirnar. Já ég elska súkkulaðið en eftir 30+ ár með sama dagatalið þá er þróunin búin að vera slæm og fjölbreytnin farin í rassgat. En ég elska þetta súkkulaði :-)

2011-12-05T09:13:00.002Z

Súkkulaði dagsins er kanína. Já hef aldrei skilið kanínu í þessum jóladagatölum og auglýsi eftir því landi þar sem kanínur eru jólalegar. En súkkulaðið heldur áfram að vera gott.

Um helgina gerði ég svo sem fátt annað en að eyða tíma með börnunum, mest með syninum og svo fór ég í bíó með Atla og keilu með dætrunum og systurdóttur minni. Þannig að þetta var hin ágætasta helgi bara :-)

2011-12-04T12:36:00.003Z

Súkkulaði dagsins er fjögurra laufa smári. Enn er ég ekki að ná því hvað er jólalegt við hann. Hvar í heiminum eru þeir í blóma um jólin? Ástralíu?

En súkkulaðið bragðaðist vel að venju :-)

2011-12-03T15:24:00.003Z

Súkkulaði dagsins er jólapakki! Mmm mjög jólalegt og enn og aftur þetta súkkulaði er svo gott :-)

2011-12-02T09:49:00.002Z

Súkkulaði dagsins var jólastjarna (plantan ekki sólstjarna). Það bragðaðist rosalega vel og alveg magnað hvað bragðskyn getur sett af stað ljúfar minningar og gert súkkulaðið betra. Ég hef alltaf verið með þessa sömu tegund og þegar súkkulaðið bráðnar í munninum þá er eitthvað ákveðið bragð í þessu súkkulaði sem ég man ekki eftir í neinu öðru súkkulaði og það vekur upp ljúfar minningar sem lætur súkkulaðið bragðast ennþá betur :-)

Jebb jólafílingurinn að detta í gang.

2011-12-01T14:55:00.003Z

SÚKKULAÐI DAGSINS!!!! Já þið eruð mörg búin að bíða eftir þessu lengi :-) Og að venju er ég búinn að koma mér upp súkkulaðidagatali. 1. desember er runninn upp og í morgun opnaði ég fyrsta gluggann í dagatalinu og þar reyndist vera þessi líka flotta EIMREIÐ!!!! Og hún bragðaðist alveg æðislega vel. Ég vil einnig nota tækifærið og þakka Erling fyrir að minna mig á að blogga um þetta en ég var svo spenntur í morgun að blogga um súkkulaðið að ég gleymdi því. En hér með eru þessi leiðu mistök leiðrétt ;-)

2011-12-01T09:23:00.002Z

Philco uppþvottavélin okkar bilaði í gær. Hún er búin að endast helvíti lengi og standa fyrir sínu þannig að nú er það spennan hvort hægt er að gera við greyið. Dæmigert samt að þetta gerist svona ofan í jólareikningana og hver nennir að vaska upp um jólin? En þetta hefði getað gerst á Þorláksmessu þannig að ég ætti kannski ekkert að kvarta ;-)

Þekkir einhver einhvern á ódýru verkstæði sem getur reddað þessu á stuttum tíma? Hún er alveg klárlega úr ábyrgð þannig að ég er ekki að stressa mig á að fara með þetta í umboðið.

2011-11-30T11:11:00.002Z

Ég var með drenginn heima í gær veikann. Það gekk bara ágætlega. Hann vildi mikið horfa á vídeó eða leika við mig. Svo lagðist hann þétt upp við mig og sofnaði :-) Voðalega kósý.

Ég fór svo á æfingu í gærkvöldi og gekk bara ágætlega. Fótleggirnir voru að drepa mig reyndar en ég drullaðist þetta áfram í hægagangi ;-) Fannar nuddaði mig á eftir æfinguna og komst að því að ég er eitthvað að ganga og hlaupa vitlaust. Hásinarnar eru eins og grjót. Ég þarf að gera eitthvað í þessu. Er að skoða það allt saman. Ég er víst ekkert unglamb lengur ;-)

2011-11-29T09:04:00.002Z

Ég þoli ekki læknaþjónustukerfið á Íslandi. Það er sett upp á heimskulegasta máta sem til er. Ég bíð til níu til að hringja og panta...sama gera fullt af fólki. Fyrstur nær inn fyrstur fær...nema það eru aldrei lausir tímar því þeir voru allir pantaðir í gær eða fyrr. Nú svo er sagt við mann að þeir séu alltaf svo fáir á þriðjudögum og það sé betra að koma aðra daga....eins og maður ráði því hvenær maður er veikur. Og svo er mér bent á kvöldvaktina...en get ég pantað tíma á hana? Neeeeeiiiii ég þarf að hringja klukkan hálfeitt til að panta tíma þá og ætli ruglið byrji ekki aftur þá? Allir hringja á sama tíma og tja kannski eru allir tímarnir þegar upppantaðir. Hvers vegna í andskotanum getur sama manneskjan ekki bókað tíma á dagvakt og kvöldvakt!?!?!? Fáránlegur andskoti.

En maður ætti kannski að vera glaður að það séu ennþá læknar í þessu landi.

2011-11-28T10:19:00.002Z

Fín helgi liðin :-) Ég kom upp jólaljósunum á laugardaginn. Það var kalt en ég er ánægður með útkomuna. Ætla samt að bæta við seríu á svalirnar því ljósin virðast drukkna í gervigreninu sem er þar. Nú svo fór ég á útgáfutónleikana með Hjálmum. Ojbarasta (ojba-rasta-fari) hitaði upp og voru helvíti góðir. Ekki eins miklir reynsluboltar og Hjálmar en gleðin skein í gegn og húmorinn var til staðar. Þeir stóðu fyrir sínu og komu salnum í gang. Svo komu Hjálmar og trylltu lýðinn. Blásararnir voru bara algjörlega út af skalanum góðir, hrikalegir töffarar og svo gaman að sjá hvað þeir höfðu gaman af þessu. Hjálmarnir sjálfir voru í góðum gír, kátir húmoristar og hrikalega þéttir. Hljómurinn var bara eins og af stúdíóplötu en ég vona að þetta hafi verið tekið upp því þetta yrði góð live plata. Helgi trommari sagði mér eftir tónleikana hvernig hann náði 70's soundi úr trommunum án þess að vera að laga skröltið í festingunum í tíma og ótíma. Hann losaði skinnið neðan af trommunum og festi net í staðinn með festingunum og öllu og losnaði þannig við skröltið og hljómurinn var virkilega góður. Hann var líka alveg á milljón allan tímann. Minnti mig á Dýra úr Prúðuleikurunum á stundum. Hinir kapparnir voru að gæla við hlóðfærin af sinni alkunnu snilld að því er virðist áreynslulaust. Virkilega góð sviðsframkoma hjá þeim öllum.

Nú á sunnudeginum fórum við til mömmu og pabba að skera út laufabrauð og svo með krakkana á æfingu hjá Þjóðdansafélaginu þar sem sýnd voru myndbönd frá Danmerkurferðinni í sumar.

Já bara nóg að gera og allir kátir :-)

2011-11-25T10:57:00.002Z

Gærkvöldið var algjör snilld. Við Signý, Sara og Atli fengum tengdó til að passa börnin og fórum í gokart. Það var drullugaman og ég væri til í að fara mjög oft á ári ef þetta væri ódýrara. Finnst þetta bara rosalega dýrt. En gaman var þetta fyrir utan að við vorum með nokkra polla með okkur í brautinni og þeir kunna ekki reglurnar. Þegar maður hringaði þá þá þurfti maður að hafa fyrir því að taka framúr þeim en þeir eiga að hleypa manni framúr. Ég sat fastur fyrir aftan einn í 7 af 25 hringjum og komst aldrei framúr honum. Honum gekk of vel að halda mér fyrir aftan sig enda 30 kílóum léttari.

Svo fórum við í pool þar sem Signý sýndi snilldartakta :-) og svo fórum við á Friday's og borðuðum æðislega mat :-) Svo sá ég mágsdóttur mína í fyrsta skipti...jebb hefur gengið illa að hitta á hana. Nú svo að endingu fór ég á æfingu í fyrsta skipti í langan tíma. Fóturinn hélt hana út þó ég hafi verið farinn að finna aðeins til undir lok æfingar. Æfingin var mjög skemmtileg og góður endir á snilldarkvöldi :-)

2011-11-24T14:33:00.003Z

Vá hvað dagurinn í vinnunni er geðveikur í dag. Varla búinn að sitja við tölvuna út af fundarhöldum og hef varla haft undan póstinum en þetta er að koma núna úff.

Annars ætla ég að láta reyna á að mæta á æfingu í kvöld og sjá hvernig ég er í löppinni.

2011-11-23T09:31:00.002Z

Veðrið er viðbjóðslegt og ég er heima. Sigurpáll Valmar og Salný Kaja eru með einhverja hitapest og liggja alveg klesst upp við mig inni í sófa og við horfum á Stubbana...úff við Salný Kaja ekki alveg að fíla það en Sigurpáll Valmar ræður ;-) Sólný Inga er líka heima af því að það er starfsdagur í skólanum en hún sefur bara og sefur...spurning hvort hún sé líka orðin veik...

2011-11-22T08:54:00.002Z

Kósýkvöld í gær með börnunum. Signý fór til vinkonu sinnar og ég horfði á Cars 2 með börnunum og það var bara mjög kósý :-)

Svo prófaði ég að setja restina af vídeófælunum mínum í "syncmöppur" á picasa þ.e.a.s. þessa fæla sem voru of stórir en ný útgáfa af Picasa er að ráða við þetta. En svo prófaði ég að merkja eina möppu með stærri en 1GB fælum sem "syncmöppu" en það er ekki komið að henni í syncinu ennþá :-) ég er spenntur að sjá hvort þeir fælar sleppi upp eða hvort ég þurfi að klippa þá niður.

2011-11-21T15:36:00.002Z

Since my blog turned 10 years old last Saturday and I didn't get a gold watch from Blogger :-) I thought I'd solve the worlds war problem and to do that I have to blog in English just as an exception.

OK I can't be bothered to check for numbers so the first thing that gave me a number when I googled this is this.

OK another google result tells me that One trillion is a million millions i.e. 12 zeros.

Now my solution to war in the world is to take side with democracy and swallow something that is very unethical but perhaps not as unethical as war.

The democratic countries of the world should join forces and offer a prize. Now To avoid an all out world war we need to have some exceptions for China e.g.

Now then these countries announce the following:
1. On January 1st 2012 all countries must allow all political parties to operate as such (and give some ground rules on what they may and may not do). Countries that don't comply with this shall be put on a list on a webpage.
2. In the year 2013 all countries that have not already an elected government voted by all citizens of the age 18 and older no matter sex or race they are, must have such an election and form a government from the outcome of that election.
3. Any country that on January 1st 2014 does not have a government elected by their citizens according to these rules (we may have to elaborate greatly these rules but this is the core of it) will have their rulers added to a list on the webpage mentioned above. This list is a hit list. Anyone who assassinates any of these men gets 100 million dollars and 100 of his relatives and friends of his choice get 1 million dollars each. Each name on the list will cost 200 million dollars to eliminate. All of these 101 person will get a citizenship and new identity in any of the countries that are a part of this agreement of their choice. Now this list will cost less than the cost of war in Iraq and Afghanistan as long as there are not more than 5000 people on the list but that would be a lot of countries not complying to Democracy :-)

Now this would cost fewer lives, less damage to property and be more effective.

Now only thing is can the other side offer the same deal to ruin Democracies ;-)

2011-11-21T09:11:00.002Z

Já sérdeilis ágætis helgi bara. Flott setning ;-)

Ég fór tvisvar í keilu, annars vegar með vinnunni þar sem ég rústaði öllum ;-) og svo með börnunum þar sem Sólný Inga sýndi snilldartakta og vann systkini sín og stóru frænku :-)

Ég fór í sextugsafmæli og mat til systur minnar. Signý fór á vampíruklámmyndina sem er núna í bíó. Signý tók líka geðveikt vel til meðan ég fór með börnin af heimilinu svo að skæruliðinn væri ekki að trufla tiltektina. Allt annað að sjá heimilið núna :-)

Þannig að þetta var góð blanda af fullorðins og barnaskemmtun :-)

Nú er ný vinnuvika og bensíntankurinn fullur. Eina slæma var reyndar að við í HK töpuðum okkar fyrsta leik og ég er ennþá meiddur :-( en læt það ekki skemma stuðið sem ég er í.

Já og svo er Picasa búið að laga leiðindargallan sem gerði það að verkum að fælar milli 100 MB og 1 GB vildu ekki upload-ast á PC vélum. Þannig að ég gat prófað nýju ljósnet tenginguna mína í nótt og hún er að svíííínvirka :-) Maður finnur það best á uploadhraðanum.

2011-11-19T00:00:00.000Z

19. nóvember runninn upp og bloggið mitt 10 ára :-) Jibbí!!!!

2011-11-18T09:22:00.002Z

Bara létt pæling fyrir helgina. Nú heyri ég það mjög oft að karlmenn séu ekki nógu duglegir heimafyrir, þeir séu ekki eins mikið með börnum sínum og móðirin. Ég heyri líka miklu fleiri dæmi um helgarpabba en helgarmömmur og álykta því að almennt séð þá séu konur miklu meiri uppalendur en karlmenn. Í leikskólum og grunnskólum finnur maður varla karlkyns kennara. Miklum hluta vökutímans eru börnin því í höndum kvenna.

Þá spyr ég ef fyrrgreindar forsendur séu réttar, hvernig stendur á því að öll vandamál heimsins, t.d. fjármálahrunið, stríð, glæpir, nauðganir og bara nánast allt illt sem hægt er að láta sér detta í hug, séu körlum að kenna. Eru þetta ekki mistök í uppeldi? Bara pæling :-)

En þá spyr ég, án þess að segja að konur geti ekki alið upp börn og klúðri því trekk í trekk og sannanirnar eru í hverjum einasta karlmanni sem ber konu sína, nauðgar, stundar áhættufíkn í fjármálastarfsemi ofl., hvort þetta sé ekki í raun sönnun á því að það sé gríðarleg nauðsyn á jákvæðum karlkynsímyndum á mesta þroskatíma mannfólks....barnæskunni. Það sé samfélagsleg nauðsyn að jafna kynjahlutföll í leikskólum, grunnskólum og öðrum skólastigum. Það sé samfélagsleg nauðsyn að auka umgengnisrétt feðra um börnin sín og ef ekki séu gildar ástæður fyrir öðru þá hafa hann alveg jafnan á við móðurina. Það sé nauðsynlegt að börn fái fræðslu um hvernig hegðun sé æskileg milli kynjanna án þess að hylla öðru kyninu.

Bara pælingar fyrir helgina. Skemmtið ykkur vel ;-)

2011-11-17T08:42:00.003Z

Á laugardaginn verða liðin 10 ár síðan ég byrjaði að blogga. Allan þann tíma hef ég verið á Blogger og alltaf verið ánægður með þeirra þjónustu. Einu sinni fokkaðist upp bloggið mitt þannig að ég bloggaði á nýrri síðu á blogger en svo lagaðist gamla góða síðan mín og ég færði mig aftur yfir og gott ef ég kóperaði ekki bloggin af millibilsástandssíðunni yfir á þessa. Þarf að athuga það. En hvað um það ég vona að ég fái gullúr eða eitthvað kúl frá Blogger. Mig langar að senda á þá línu og spyrja hvort einhver hafi bloggað jafnstöðugt og jafnlengi og ég hjá þeim en þetta er eins og með svo mörg önnur stórfyrirtæki að það er ekki hægt að hafa samband við þau á netinu....alveg magnað. Ef þú veist um netfang hjá þeim endilega láttu mig vita.

Annars var ég síðustu tvo daga á námskeiði og ráðstefnu á vegum Spretts. Ég var mjög ánægður með þá ráðstefnu og mæli með þessu. Námskeiðið hjá Christofer Avery var bara frábært. Það kom mér skemmtilega á óvart þannig að ég er mjög ánægður með bæði námskeiðið og ráðstefnuna :-)

2011-11-16T18:02:00.002Z

Ég fór á Agilis 2011 ráðstefnuna í dag. Fannst hún bara ljómandi góð. Allur dagurinn fór í þetta þannig að það er frá litlu að segja. Þið verðið bara að mæta næst ;-)

#agilis2011

2011-11-15T18:10:00.002Z

Var á agile námskeiði í dag sem fókusaði á Leiðtogann og mér fannst það drullugott. Verður gaman að nýta sé margt úr því daglegu starfi :-)

2011-11-14T08:57:00.002Z

Ég missti aftur af leik með HK um helgina. Ég er meiddur á hinum fótnum núna og það er verra en meiðslin á fyrri fótnum. Ég er svona að vonast til að komast á æfingu á fimmtudag. En versta er að ég var beðinn um að gefa blóð á fimmtudag en hef ekki getað það því ég þarf á því að halda til að gróa. Gef bara eftir viku eða svo í staðinn.

Ég fór í tvö barnaafmæli um helgina sem voru bara ágæt. Sigurpáll Valmar er orðinn meðfærilegri og getur leikið sér án þess að fara sér að voða :-) Ég er enn ekki búinn að sjá mágsdóttur mína en það kemur að því síðar. Hmmm já við borðuðum heima hjá mömmu og pabba á laugardaginn og eftir matinn var sett á Looney Toones DVD diskur fyrir Sigurpál Valmar en hann skemmti sér ágætlega yfir honum samt ekki næstum því eins mikið og mamma og pabbi :-) Þau hlógu og hlógu :-) sem var mjög fyndið að sjá ;-)

2011-11-11T10:07:00.003Z

Ljósnetaður í drasl. Lenti í suddalegu ævintýri í gær. Það tók gaurinn c.a. 2 og hálfan tíma að tengja draslið hjá mér og gefast upp og senda beiðni á mílu að skoða kassann í enda götunnar. Svo um kvöldmatarleytið þá tek ég eftir því að sjónvarpið er farið að virka en netið virkar ekki þannig að ég eyði hálftíma í símanum aðallega í að bíða eftir aðstoð en svo komst netið loks á. Hef ekki gefið mér tíma til að njóta þess að finna vindinn þjóta um hárið mitt en það verður get um helgina.

Nú hlakka ég bara til að klukkan verði 11:11:11 í dag 11.11.11 :-)

2011-11-10T08:57:00.002Z

Margt sem gerðist í gær. Ný mágsdóttir fæddist og tengdamamma átti afmæli. Ég fór með börnin í mat til hennar í gærkvöldi eftir bekkjarskemmtun og bingó hjá Salnýju Kaju. Sólný Inga vann buff í bingóinu en annars gekk okkur ekkert :-)

En matarboðið hjá tengdó var bara fínt. Krakkarnir skemmtu sér og mikið var spjallað um daginn og veginn. En svo fór skæruliðinn að verða þreyttur og þá fór hann að óþekktast og þá var ekki um annað að ræða en að fara heim. Kúturinn steinsofnaði eftir hressilegt brjálæðiskast :-) jebb hann var orðinn mjög þreyttur og það var sama hvað honum var boðið hann sagði bara nei við öllu en gaf sig að lokum og sofnaði :-) Þá var restin af fjölskyldunni bara uppgefin og sofnaði fljótlega ;-)

2011-11-09T10:27:00.000Z

Stúlka fædd:
3695 grömm
51 cm löng
36.5 cm höfuðmál
Og 105 desibel

:-)

Til hamingju Valdi og Irene :-)

2011-11-09T08:56:00.003Z

Ég er að spá í hvort ég hafi búið til orð í gær. Ég á von á mágbarni (mágdóttur eða mágsyni) hvað úr hverju. Valdi Kolli og Irene fóru upp á spítala í gær og síðan hef ég ekkert frétt. Vonandi gengur bara allt vel hjá þeim. Tengdamamma á afmæli í dag og fær hamingjuóskir og hugsanlega barnabarn í afmælisgjöf ef þetta dregst ekki eitthvað mikið á langinn.

Annars fór ég á æfingu í gær og var sáttur við líkamlegt ástand mitt. Þessi 2 kíló sem ég missti í síðustu viku eru greinilega að telja. Úthaldið er betra, fæturnir betri og snerpan meiri. Allt á réttri leið bara.

Ég kem sennilega með update seinna í dag þegar ég er búinn að heyra meira um fæðinguna.

2011-11-08T09:10:00.002Z

Fínasta æfing í gær. Ég var að hitta vel fyrir utan en einhverra hluta vegna gat ég ekki keypt mér körfu undir körfunni. Var með skelfilega nýtingu af metersfæri en mjög góða fyrir utan 3 metrana. En æfingin var þrælskemmtileg :-)

Ég keypti smá IKEAdót í gær og dúndraði því saman. Þetta var hilla ofan á Billy hillurnar hjá stelpunum. Hugsaði hana fyrir raftækin sem þær eru komnar með (PS2 tölva, flakkari og DVD öss þessir krakkar í dag). Ég þurfti að möndla þessu heldur betur saman. Þessi viðbót er nýrri týpa en sú sem við áttum þannig að tvö göt sem áttu að vera á gamla skápnum til að festa þetta saman voru ekki og ég þurfti að bora þau út. Það gekk ljómandi vel. Nú svo þurfti ég að saga út fyrir snúrum á skápbakinu og saga úr hillunni til að koma snúrum á milli hilla í viðbótinni. Allt þetta gerði ég á mettíma og þið megið kalla mig Sigurgeir handlagna í allan dag.

2011-11-07T10:13:00.002Z

Helgin var alveg hreint ljómandi góð. Ég fór góðan laugardagsrúnt með félögum mínum í HK til Ólafsvíkur og unnum þar sætan sigur. Svo í gær fór ég með börnin og eitt lánsbarn í Ævintýragarðinn og það var ekkert smá mikið stuð. Sigurpáll Valmar gæti hlaupið maraþon held ég. Hann mætti og hljóp, hoppaði,klifraði, renndi sér og ég veit ekki hvað stanslaust í einn og hálfan tíma og þá hætti hann ekki heldur fór að labba aðeins á milli leiktækja í stað þess að hlaupa. Alveg magnað.

Hann var ekkert smá þreyttur þegar við komum heim í gær :-)

2011-11-04T09:25:00.002Z

Mikið ljómandi var æfingin í gær skemmtileg. Það var vel tekið á því og mér gekk vel en liðinu mínu ekki :-S En körfubolti er það skemmtilegur að það er alltaf gaman ;-)

Nú er rétt rúm vika í að bloggið mitt verði 10 ára gamalt.

Spurning hvort einhver fjölmiðillinn hafi áhuga á að fjalla um það? ;-) Mér finnst sjálfum alltaf fyndið þegar talað er um ofurbloggara og gert mikið úr einhverju liði sem hefur bloggað í 2 vikur.

2011-11-03T08:58:00.002Z

Dagurinn í gær fór í að glápa á teiknimyndir og leika við Sigurpál Valmar. Hann ældi um nóttina og morguninn þannig að það var ekki um annað að ræða að vera með hann heima. Hann var furðuhress allan daginn en alveg lystarlaus en ég kom slatta af vökva í hann sem er mikilvægt. Svo vildi hann bara leika við mig á fullu og horfa á teiknimyndir og ég mátti ekki fara neitt frá honum. Helst vildi hann liggja með hausinn á mér. Það var alveg voðalega notalegt svo sem en ég þakka Guði fyrir að flestar teiknimyndirnar sem hann vildi sjá voru þolanlegar....ég hefði sennilega dáið ef þetta hefði verið Stubbarnir aftur og aftur allan daginn.

En annars var kvöldið í gær ágætt í faðmi fjölskyldunnar. Ég horfði á nokkra þætti og fór svo að sofa...bara kósý ;-)

2011-11-02T08:54:00.003Z

Sigurpáll Valmar ældi í nótt og í morgun þannig að það er ekkert um annað að ræða en að vera með hann heima. Nú eru Stubbarnir í gangi sem er svakalega skemmtilegt....NOT!!! Ég vona að það verði eitthvað meira stuð hjá okkur seinna í dag og skemmtilegra barnaefni verði fyrir valinu :-)

2011-11-01T09:53:00.002Z

Ég fór í smá bolta í gær og það var mjög fínt. Ágætt að brenna smá smjöri. Annars gerðist fátt merkilegt í gær. Gott bara að chilla eftir æfingu.

En svo er ég að fara í old school tækni fljótlega. Er að fara að setja greiðu upp á húsið svo ég geti séð RÚV án þess að skipta á afruglaranum. Var bara með sjónvarp í gegnum breiðbandið en nú er búið að loka á það og þá er maður kominn til fortíðar þar sem bara ein sjónvarpsstöð var í boði á heimilinu. Mögnuð svona nútímatækni sem er hönnuð fyrir sjónvarpsstöðvarnar og framleiðendur myndefnis en ekki fyrir notendur. Ég skal veðja að ef ESB setti reglur um að banna alla afruglara nema þeir geti afruglað allar sjónvarpsstöðvar samstundis sem maður er áskrifandi að og streymt um allt heimilið að þá væri komin lausn daginn eftir.

2011-10-31T11:11:00.001Z

Alltaf að gleyma öss....fór með dæturnar, Birnu Júlíu og Theu að skoða V/S Þór í gær og það var voðalega gaman og stelpurnar fíluðu þetta í tætlur :-)

2011-10-31T10:28:00.001Z

Vó má ekki gleyma að fyrsti leikur minn með HK var á laugardaginn. Við unnum og ég var bara c.a. 5 sekúndur að skora fyrstu stigin mín fyrir liðið. Ég hefði mátt setja skotin mín niður en var að öðru leyti ánægður með leikinn hjá mér.

2011-10-31T09:26:00.002Z

Helgin var góð, tók grasekkilinn á þetta á föstudagskvöldið sem var bara ljúft með börnunum og góðri mynd. Laugardagurinn fór svo í hressandi partý hjá Palla vinnufélaga mínum. Ég tætti upp trommurnar í Rockband í góðum fíling :-)

Sunnudagurinn fór bara í fjölskyldustúss og mat hjá tengdó sem var mjög gott. Þannig að helgin var bara mjög ljúf :-)

2011-10-28T09:01:00.003Z

Ég fór með dæturnar á Super Sub í gær. Hef lengi ætlað að gera það því ég hef heyrt góða hluti um leiksvæðið þar. Ég verð að segja það að pizzan var ekki góð...kannski eru bátarnir góðir en stelpurnar skemmtu sér mjög vel í boltalandinu. Eftir á að hyggja hefði ég átt að taka Signýju með og strákinn en við vorum ekki viss hvort hann væri orðinn nógu gamall en hann hefði skemmt sér vel þarna enda var einn gaur þarna sem virtist vera jafnaldri hans. Það var hins vegar gaman að eiga smá stund með stelpunum án þess að litli skæruliðinn væri að fá alla athyglina.

Svo fór ég á æfingu og það var bara ljómandi gaman. Spiluðum allan tímann og ég tapaði ekki leik :-) Það gerist varla skemmtilegra en það. Við skiptum í tvö lið og mitt lið var með skiptimann, svo þegar komið var að mér að skipta þá stuttu seinna meiddist einn í hinu liðinu og ég fór bara í það og þá unnu þeir loksins sem þýðir að ég var sá eini sem vann alla leikina mína ;-)

2011-10-27T09:35:00.002Z

Ágætischillkvöld í gær. Sigurpáll Valmar var ekkert á því að sofna snemma þannig að við horfðum á Wall-E og helminginn af Cars áður en hann sofnaði. Stelpurnar fengu að leika sér í tölvunni og skemmtu sér við það áður en þær fóru svo að sofa og voru bara mjög duglegar. Annars var þetta bara lítið fréttnæmt. Ég var aðeins eftir mig eftir annríkan dag strax eftir veikindi og hafði bara gott af því að hvíla mig aðeins.

En ég hlakka til að komast á æfingu í kvöld :-) mikið sem mig klæjar í lófana að komast í körfubolta :-)

2011-10-26T09:49:00.003Z

Mættur til vinnu hress sem fress og bara nokkrir tugir tölvupósta til að fara í gegnum. Ekkert mál ;-)

Já fátt að frétta, bara veikindi og hrikalega mikill svefn. Ég er alveg gáttaður á því hvað ég svaf mikið. Sennilega líkaminn bara að vinna úr vírusnum en ég hef ekki sofið svona mikið síðan ég var barn. Þess á milli var ekki mikið um hreyfingar nema í neyð ;-) fer ekki nánar út í það enda ekkert geðslegt. Það skondna er samt að ég fór í Hagkaup um helgina rétt áður en ég veiktist og sá að þeir voru að selja Gatorade restar frá Amerísku dögunum þeirra á c.a. 40% afslætti og ég keypti 30 stykki. Þetta hélt vökva og steinefnaforða líkama fjölskyldunnar uppi í gegnum þessi veikindi. Heppileg tilviljun :-)

2011-10-25T13:29:00.002Z

Jæja þessi veikindi vonandi að ganga yfir. Hef ekki sofið jafnmikið í mörg ár held ég. Er ennþá hálfskrýtinn en upp og niðurdæmið hefur stoppað ;-) jebb grós!!! Þannig að það er fátt merkilegt að frétta.

2011-10-24T15:42:00.001Z

Ég eyddi helginni í að hjúkra fjölskyldunni og er nú sjálfur orðinn veikur :-(

Þessi pest er viðbjóðsleg og ég vona að hún gangi hratt yfir.

2011-10-21T09:27:00.002Z

Meiddur!!!! Djöfullinn, kálfinn þoldi ekki álagið á æfingu í gær. Ég sem hélt að þetta væri alveg að koma en nei hann ekki sammála :-( Ég held í vonina að geta keppt á sunnudaginn en það verður tæpt :-(

2011-10-20T13:13:00.003Z

Fékk Tupperware sushidótið mitt í gær. Er spenntur að prófa þetta og gerði það vonandi fljótlega. Líst mjög vel á þetta.

Tók hins vegar letikast í gær og horfði á nokkra þætti og fór svo snemma að sofa sem var bara helvíti ljúft :-)

2011-10-19T10:56:00.002Z

Tveggja tíma körfuboltaæfing í gær :-) æ hvað það er gaman í körfubolta :-) Lappirnar á mér reyndar loga ennþá en þetta var snilldaræfing. Nokkrir skiptimenn svo að maður dó ekki en náði þó að hlaupa helvíti mikið á æfingunni og brenna smjöri.

Fyrir æfingu hafði ég tekið skurk í því að brjóta saman þvott og fleira og svo eldaði Signý mjög góðan mat þannig að kvöldið var bara alveg ljómandi gott.

2011-10-18T15:19:00.002Z

Tók ofurpabbann á þetta í gær. Sótti börnin og fór með Sólnýju Ingu í afmæli, útréttaði í bænum með Salnýju Kaju og Sigurpáli Valmari, kom öllum heim, dreif mig á æfingu sem var geðveikt stuð og bara allt :-) Var þreyttur í gær eftir öll lætin og glápti á sjónvarp það sem eftir lifði kvöldsins. Önnur æfing í kvöld en ekki þessi læti með að koma börnum hingað og þangað og klára útréttingar :-) Ahhhhh gott.

2011-10-17T09:19:00.003Z

Ég er með eina kenningu um hlutafélög og hvers vegna þau virka ekki í þeirri mynd sem þau eru í dag. Það er auðvitað snilld að geta fengið fjármagn til að framkvæma hluti og fá fólk með sér í drauminn sem er í gangi á hverjum stað og tíma. En gallinn sem ég sé ekki leið út úr í fljótu er að það er þessi eilífa ávöxtunarkrafa. Fyrirtæki þurfa oft að taka á sig tap og mögur tímabil til að geta sprottið fram öflugari en áður þegar næsta góðæri byrjar en hluthafar hafa enga þolinmæði. Þeir gera ávöxtunarkröfu sama hvernig árar og í engu samræmi við það sem er að gerast í þjóðfélaginu. Fjárfestingin er því orðin eins og lán og það rándýrt lán. Með þessu móti er þetta leið ríkra manna til að sjúga fjármuni úr fyrirtækjum og koma þeim á hnéin og þá flýja þér og skilja allt eftir í brunarústum og láta aðra taka á sig tapið og atvinnuleysið og ruglið. Ég á ennþá eftir að sjá það gerast að hluthafar samþykki að hlutabréfin þeirra muni vísvitandi hrynja í verði og verða verðlítil í nokkur ár en munu svo rjúka upp og ná sömu hæðum ef ekki hærri. En þannig verður oftast að reka fyrirtæki. Fyrr láta þeir skera niður, reka fólk og keyra allt niður þannig að enn sé hagnaður sem hægt er að sjúga út og gera það aftur og aftur þannig að þegar góðærið kemur þá er viðbragð fyrirtækisins ekkert, enginn sparnaður til að nota til að rjúka af stað og fyrirtækið missir af lestinn þ.e.a.s. ef það er enn á lífi.

Ég væri til í að sjá eitthvað sem virkar betur en þetta kerfi.

2011-10-14T10:56:00.002Z

Hörkuprógram í gangi í gær. Ég þurfti að sækja börnin úr leikskóla og til ömmu sinnar. Koma Sólnýju Ingu í fín föt og í afmæli, koma Salnýju Kaju í píanótíma og sinna stráknum sem var hungraður. Þetta gekk allt upp og allir á réttum tíma. Þrátt fyrir að ég vissi ekki að vinkona Salnýjar Kaju var með henni hjá ömmu sinni þannig að ég þurfti að skutla vinkonunni heim líka. Ofurpabbinn rúllaði þessu upp ;-)

Svo var æfing seinna um kvöldið sem var mjög fín. Gott að vera kominn á fullt að hlaupa og ná af sér spikinu :-)

2011-10-13T15:10:00.002Z

Ég svaf svo illa í fyrrinótt að ég lagði mig eftir vinnu. Það var mjööög gott og óvænt en vegna veikinda heima þá voru flestir í bólinu og litli skæruliðinn ekki á milljón að rústa einhverju :-)

Þannig að góður blundur, matur og svo rólegt sjónvarpskvöld var það eina sem gerðist í gær. Þ.a.l. stutt blogg í dag.

2011-10-12T12:34:00.002Z

Góð körfuboltaæfing í gær. Mjög hressandi að komast á æfingu og hlaupa af sér rassgatið já og kálfinn á mér að verða góður þannig að ég gat beitt mér nánast 100% Fyrsti leikur fellur niður því eitt liðið dró sig úr keppni en það er ágætt fyrir mig því þá verð ég örugglega orðinn góður fyrir fyrsta leikinn okkar 7,9,13.

Veikindi eru að plaga heimili mitt og það er ekki alveg nógu gott. Ég vona að ég smitist ekki.

Fátt annað svo sem að frétta í bili :-)

2011-10-11T08:47:00.003Z

Ég fór með dæturnar og vinkonu þeirra í sund í gær. Náði að synda nokkrar ferðir og svo skutla þeim heim, fá smá fisk í kvöldmat og bruna á körfuboltaæfingu. Smá ironman í gangi hjá mér í gær :-D

Svo kláraðist prógrammið mitt. Ég setti nýtt upp og ætla að halda áfram að skrá þetta. Er klárlega búinn að þyngjast síðan í fyrra. Nú þýðir ekkert annað en að taka á því. Sumarið klúðraðist hjá mér enda alltof gott að grilla. En það verður eitthvað hollara í vetur og meiri hreyfing ;-)

2011-10-10T11:15:00.002Z

Helgin var bara nokkuð kósý. Fór í sund með Salnýju Kaju og Sigurpál Valmar. Svo fórum við í afmæli til Birnu Júlíu. Vorum líka með vídeókvöld og bara almenn kósýheit.

En í gær varð Sigurpáll Valmar veikur og fékk hita. Hann lá við hliðina á mér í sófanum í gærkvöldi og talaði upp úr svefni sem var ekki þægileg tilfinning. En hitinn hélst stöðugur og hann gat sofið sem var gott. Hann rumskaði svo aðeins þegar við vorum öll að fara að sofa og ég kyssti Signýju góða nótt og sagði það upphátt. Svo kyssti ég Sigurpál Valmar og bauð honum góða nótt og þá heyrðist mjúk barnarödd segja:"Góða nótt pabbi" :-) alveg ómetanlegt og sætast í heimi. Svo kom ég við heima í morgun þegar ég var að sækja dæturnar og fara í foreldraviðtal eða öllu heldur þegar ég var að skila þeim heim aftur. Og þá segir litli kútur: "bless pabbi" og setur stút á munninn og ég beygi mig niður til hans og kyssi hann á kinnina og hann smellir kossi á kinnina mína :-) algjörlega ómetanlegt. Ég er ennþá brosandi hehehehe.

2011-10-07T08:48:00.002Z

Eitt finnst mér magnað. Fólk er alveg gjörspillt þegar kemur að vissum hlutum. Tökum sem dæmi Facebook. Þarna er fyrirtæki á ferð með þúsundir starfsmanna sem þiggja sín mánaðarlegu laun auk þess sem fyrirtækið greiðir öll launatengd gjöld og skatta, yfirbyggingu, starfsaðstöðu og svo má lengi telja. Svo sér maður reglulega fólk á FB sem notar það ansi oft í hinum ýmsa tilgangi nöldra yfir því að það séu auglýsingar á síðunni. Nú spyr ég bara: "Vill fólk heldur greiða fyrir að nota FB eða vill það lifa með því að auglýsingar séu á síðunni og fyrirtæki að markaðssetja sig á FB?". Ég persónulega læt auglýsingar og markaðsdrasl ekkert fara í taugarnar á mér. Ég tek ekki mikinn þátt í því en ég sætti mig fullkomlega við þetta þar sem mig langar ekkert til að borga mánaðargjald til FB. Svo er það fyndna að fólk lætur reglulega glepjast á statusum þar sem menn eru að halda því fram að ef menn reposta ekki statusnum þá muni FB loka aðgangi þeirra og fara að rukka þá fyrir notkunina. Skil ekki hvernig fólk getur fallið fyrir þessu en það skilur sennilega ekki viðskiptamódelið sem FB byggist á. Ég bið hér með fólk sem pirrar sig á auglýsingum um að hugsa málið til enda. Hvernig haldiði að síður eins og www.google.is, www.facebook.com, wwww.ja.is, www.mbl.is ofl. gangi upp? Hvernig á að borga fólkinu laun?

2011-10-06T09:35:00.002Z

Tók Speedy Gonzales hreingerningu í gær. Konan fór með börnin til systur sinnar og ég ryksugaði og skúraði nánast allt heimilið eins og mófó á meðan. Svo rölti ég til þeirra og fékk Heavy Special mmmmmmm mega gott múhahahaha. Svo rölti ég til baka og ryksugaði og skúraði aðeins meira en svo kom konan með börnin og þá var friðurinn úti ;-) Ekki hægt að ryksuga þegar lítill kútur þarf að fara að sofa. Þá settist ég niður og úffff þreytan leið yfir mig....chill eftir það. Ekkert meira markvert gerðist annað en að Steve Jobs dó. Guðjón félagi minn benti mér á það í gærkvöldi. Það verður mjög forvitnilegt að sjá hvernig Apple reiðir af. Ég held að þeir verði áfram góðir.

2011-10-05T10:01:00.002Z

Æfingaleikur í gær við gömlu félagana mína í Álftanesi. Það var þrælgaman og mér líst vel á Álftanesliðið. Búnir að fá nokkra nýja sem líta vel út. HK liðið vann leikinn samt í venjulegum leiktíma en aftur vorum við frekar fámennir og Álftanes að leyfa öllum að spila þannig að það þarf að fara varlega í að álykta eitthvað af þessum leik. Kálfinn á mér er allur að koma til en ég finn enn til í honum en gat beitt mér meira í gær en í fyrradag. Ég verð vonandi orðinn 100% fyrir fyrsta leik tímabilsins sem er um þarnæstu helgi minnir mig.

Svo var eitt þrælskemmtilegt sem gerðist varðandi Sigurpál Valmar í gær. Ég helti í glas fyrir hann en var eitthvað utan við mig þannig að ég fyllti það alveg. Sá það og sagði að þetta væri of mikið og hjálpaði honum að drekka og sagði honum að taka góðan sopa. Hann gerði það og svo leyfði ég honum að súpa sjálfur og hann gerði það en rétti mér svo glasið og sagði: "Þetta of mikið, ég sulla". Ég þreyfaði aðeins á honum og fann enga bleytu þannig að ég verð að álykta að hann sé svona skynsamur :-) Ég talaði ekkert um að hann myndi sulla niður en hann fattaði það sjálfur og lét mig hella aðeins af glasinu sem ég gerði bara í annað glas þannig að hann var með tvö glös og hæstánægður með þau ;-)

2011-10-04T10:49:00.002Z

Kálfinn er enn að pirra mig. Ég fór á æfingu í gær og gat beitt mér 80% en fann til allan tímann. Þetta er að skána og hreyfingin virðist hjálpa til. Hugsanlega þarf að teygjast á einhverju þarna til að þetta hætti og hreyfingin hitar svæðið upp og liðkar þetta en ég veit ekki alveg hvað þetta er. Þetta er bara ofarlega í kálfanum. En hvað með það þá var gaman á æfingu í gær. Í kvöld mæti ég svo félögum mínum í Álftanesi í æfingaleik. Það er alltaf áhugavert að mæta gömlu félögunum í fyrsta skipti eftir félagsskipti. Búinn að lenda í því nokkrum sinnum í gegnum tíðina enda ferillinn orðinn ansi langur. Ég var að gæla við það að koma mér í toppform um fertugt og komast í lið hjá úrvalsdeildarliði ;-) Sýna mönnum að það sé hægt. Það er verðugt markmið hehehehe en kannski verður líkaminn ekki alveg sammála mér í því. Sjáum til þetta er eitthvað sem ég ætla að hafa í huga.